NEW DELHI: JUa Friday rati te Srinagar laga bus toh rasta te skid kuri kena ekdam nichete gerishe. Etu gahtna te choita (6) manu murishe aro 30 manu khan jokom hoishe. Etu ghatna toh Jammu aro Kashmir laga Udhampur district te hoishe.
Officials koishe etu accident toh Surinsar laga Chandeh bosti te adha-rati te hoishe. Driver toh bus laga control toh harai kena bus toh ekdam nichete te geri jaishe.
Khobor pa hesab te traffic police para bachibole nimite driver toh bhitor laga rasta loishe koishe. Traffic police para main Jammu-Srinagar national highway toh restrict kuri kena rakhi ase. Etu highway ntoh Friday din te he khuslishe. Etu highway toh bhari baris aro borop para mati gera nimite rasta bon kuri kena thakishe.
Ghatna huwa site te rescue operations toh chuli thakishe. Jokom huwa manu khan ke bachai kena osor laga hospital te treatment nimite loi jaishe.
Add Comment