New Delhi, 8 May : Popular singer Billie Eilish aru upcoming concert film Hit Me Hard and Soft: The Tour (Live in 3D), India te May 8 te release hobo lagey, kintu Central Board of Film Certification (CBFC) logot certification issue thaka karone reportedly postpone kori dise. Itu concert movie tu khas kotha hoise, karon etu Billie Eilish laga third concert film aru tai laga first collaboration acclaimed filmmaker James Cameron logot, kun co-direct kori ase Billie logote.
Bollywood Hungama report hisab te, delay tu CBFC pora suggest kora cuts karone hoise. Report te koi dise ki India te Paramount Pictures team ke US headquarters logot consult koribole lagise suggested edits khan approve koria agey. Koi dise ki eventually studio laga global team edits approve kori dise, kintu itu back-and-forth process karone censor clearance deri hoise. Etu karone makers reportedly India release postpone koribole decide korisey. Film tu etia May 15 usor te theatres te ahibole expected ase, hoilebi official confirmation eku aha nai.
Dangor territories khan Australia, Canada, United Kingdom aru United States already official classification disey. Film tu mostly “teen-friendly” category te porise, UK te 12A rating aru US te PG-13 rating paise.
British Board of Film Classification hisab te, film te frequent strong language, suggestive gestures aru sexual references ase. Itu logot documentary tu mental health struggles aru bullying experience nisina heavy topics cover korisey.
Los Angeles premiere te Billie logot tai laga bhai aru longtime collaborator Finneas, tar parents aru actor Nat Wolff ase. Itu event tu Billie aru Nat laga first public red carpet appearance as a couple buli mark korisey.
Premiere te fans khan Billie laga famous songs jiman Bad Guy aru Birds of a Feather logot gaana gai aru dance kori celebration nisina banaidisey.
Paramount Pictures, Lightstorm Entertainment, Darkroom Records aru Interscope Records support te bana movie tu Billie Eilish laga sold-out world tour ke immersive 3D cinematic experience te ani dise. James Cameron aru Billie Eilish direct kora itu film tu fans khan ke live energy, visuals aru emotional atmosphere usor pora experience dibole aim kori ase, cutting-edge immersive technology use kori Manchester te tai laga four-night residency laga raw energy capture korise.
Add Comment