Guwahati, May 17, 2026: Manas National Park toh bon jabole ase Tourist khan karne, June 5 te para shuru kure kena, alak orders napa tuk. Authorities khan para ecotourism activities khan be bon kure de she monsoon season naha ahge te.
Official order hesab te, kunto Manas Tiger Reserve laga authorities khan para issue kure she May 16 te, sob tourism activities, jeep safaris, elephant safaris aro boating neshe na khan bon hoi kena thake bo.
Order te state kure she ki, etu bon kurea toh National Tiger Conservation Authority (NTCA) para guidlines dea hesab te ase, kunto Ministry of Environment, Forest and Climate change laga betor te ahea.
Director of Manas Tiger Reserve, Chief Conservator of Forest and Field, Dr. C. Ramesh para order toh issue kure she. Etu season te 60,000 manu ahe she koi she park te. Aro Rs 1.5 crore bana bole pare she etu season.
