Aizawl, May 17, 2026: Mizoram police khan para dua jun ke dure she, kun online te bea saman khan hale thake she, officials khan para enia koi she May 17 te.
Officials statement hesab te, authorities khan report pai she ki, YouTube neshe na khan te bea videos khan ola ase, aro tateh para investigation khan shuru hoi she.
Probe kurea homoi, videos khan toh Section 294 Bharatiya Nyaya Sanhita (BNS) aro Section 67 Information Technology Act, 2000 laga betor te para saza de bole pare bo.
YouTube aro Technical analysis khan laga modok te para, tai khan manu khan dure bole pare she kun utu videos khan hale thake she. Police khan para koi she ki utu dua jun laga nam toh Henry Lalrinpuia, tai toh Aizawl laga Hunthar te buhea. Aro alak laga nam toh Vanlalhmangaizuala ase, tai toh Mamit district laga Phuldungsei bosti te buhea.
