Imphal, May 19, 2026: Thadou Baptist Association of India (TBAI) khan para tinta senior leaders morai dea opor te condem kure she. May 13 te, Saheibung Peak te kumba manu khan para hamla kure kena tinta church leaders ke morai de she.
Association para statement dea hesab te, TBAI para koi she ki, tai khan laga leaders toh United Baptist Churches Council meeting te para wapas ahe thake she kunto Churachandpur te thake she May 11 aro May 13 betor te.
Ahea homoi Association laga duata gari opor te hamla hoi she, aro etu hamla te Rev. Dr. Vumthang Sitlhou, President of TBAI; Rev. Kaigoulun Lhouvum, Finance Secretary of TBAI; aro Pastor Paogoulen Sitlhou, Superintendent Pastor mure she.
Association para authorities khan ke mangea ase, case toh CBI nahoile be NIA khan laga hath te de debole karne.
