Rio De Janeiro, 20 May : Neymar ke Brazil laga squad te Monday name kuri dise upcoming FIFA World Cup 2026 nimite, juntu national team para tai laga two-and-half years para beshi absence end kuri dise.
Carlo Ancelotti, juntu Brazil laga manager ase, squad announce kuria time te Neymar laga naam last side te porhise, aru etu selection debate recent weeks te Brazil media te bishi discussion laga topic hoise.
34 saal laga Neymar, juntu Brazil laga all-time leading scorer ase 79 goals logot 128 international matches te, last October 2023 te Brazil nimite khelise. Tai World Cup qualifier te Uruguay logot khelia time te anterior cruciate ligament (ACL) rupture suffer kurise.
Former FC Barcelona aru Paris Saint-Germain forward tai injuries logot struggle kuri ase, aru boyhood club Santos te January last year wapas ahia pichete all competitions milikena 38 appearances te 17 goals manage kuri ase.
