Imphal, May 21, 2026: May 20 din te. Manipur Police khan para duita bitor manu ke arrest kurisahe koishe. Taikhan toh UNLF laga Group member ase koishe. Etu toh Imphal West Disrtict laga Lamdeng para ase koishe. Yete taikhan laga haat para InSAS Light Machine banduk aru Guli khan bi paishe koishe.
Etu arrest kurea manu toh Arambam Tomtom (29) ase koishe. Tai toh Imphal West District laga Heibongpokpi Mayai Leikai para ase koishe. Aru alak wala toh Heisnam Thomas ase koishe.Tai toh Mayang Imphal Kokchai te thakhea manu ase.
Police khan para koishe ki. Security Team khan para Ekta InSAS LMG, 3da Magazines aru 14 guli nishina paishe koishe. Operation kurea homoi te. Aru alak Operation toh Tuesday din te kurishe. Yete taikhan para PREPAK laga member ke arrest kurishe koishe. Etu toh Imphal East Distrct laga Mantripukhri para. Yete Arrest kurea manu toh Laishram Surjit Meitei (29) ase koishe. Tai toh Bishnupur District laga Moirang Khunou Makha Leikai para ase koishe. Tai laga haat para Mobile phone paishe.
