May 24, 2026: Chand Mera Dil toh taikhan laga Second din eman bhal para jai ase koishe Box Office te. Etu romantic Drama te. Lakshya Lalwani aru Ananya Panday toh main actor aru actress ase. Yete taikhan Saturday din te khulishe koishe. Aru yete 21 per cent nishina uthea toh dikhibole parea ase. Aru Website khan laga khobor hisab te. Vivek Soni Directorial toh Rs 3.65 Crore nishina kamaishe koishe. Yete Din 2 te 4,884 Shows nishina kuri kina. Yete Din 1 parabi 21.7 per cent nishina uthishe koishe. Yete Film laga sob India Gross collection toh milai kina Rs 7.89 Crore nishina ase. Aru India Net Total toh Rs 6.65 Crore te khara kurea ase. Yete bahar para din 2 te Rs 50 lakh nishina paishe. Yete International Gross te Rs 80 Lakh nishina paishe. Aru Duniya laga collection toh etea Rs 8.69 Crore nishina ase koishe. Etea Chand Mera Dil laga film toh Hollywood laga Star Wars: The Mandalorian aru Grogu khan ke competition lok pai ase koishe. Aru ja week laga Hindi release Pati Patni Aur Who Do te Ayushmann Khurrana, Wamiqa Gabbi, Rakul preet Singh aru Sara Ali khan bi sob ase koishe. Enika film toh khulea pichete competition khan lok pai kinabi. Chand Mera Dil toh nutun romantic laga Drama Ek din khulea ke paar kuri dishe koishe. Ek Din te Junaid Khan aru Sai Pallavi toh Actor aru Actress ase koishe. The Aamir khan laga Backed Film toh Rs 1 Crore nishina kamaishe koishe Second din laga Theatre te.
Chand Mera Dil laga Box Office Din 2
