Guwahati, May 24, 2026: Assam laga Chief Minister Himanta Sarma para May 23 te koi she ki, ekta truck kunto Codeine Phosphate syrup toh bukhe kena jai thake she, Rs 2.1 crore laga, Cachar police khan para utu truck toh dure she koi she.
Aro alak ekta operations te, Kokrajhar Police khan 30,000 bottles pai she, Codeine syrup laga, May 23 te. Officials khan laga hesab te, utu trcuk toh guru laga dhana khan bukhea ase koi thake she, aro gari toh checking kurea homoi, dawai toh pai she koi she.
Gari laga driver ke dure loi she, aro investigation khan shuru kure she, etu dawai khan kute para ahea ase, aro kila network te para chulea ase jane bole karne.
Assam laga beshe districts khan te, ja moina khan te bea dawai opor te operations beshe kurea dekhe bole parea ase. Security forces khan naka checking be beshe kurea ase, border te be surveillance othai she, aro dawai khan bahar aro ahea khan sabole karne.
