Imphal, May 27, 2026: Kuki CSO Working Committee, Ukhrul, para koi she ki, Mongkot Chepu bosti opor te hamla hoi she, May 26 laga sam phane, aro koi she ki, state government toh safety de bole napare kena ase Kuki-Zo manu khan ke. Statement kunto Chief Minister, Chief Secretary, Director General of Police, Security Advisor, Ukhrul Deputy Commissioner aro Superintendent of Police khan ke de she, etu te organisation para koi she ki, bosti opor te hamla hoi she 6:48 pm te. Committee para koi sge ki, etu hamla kurea manu khan toh ekta betor manu laga group ase kunto Litan Sareikhong te thakea khan ase. Hamla toh char ghanda neshe na karne thake she, 11:08 pm tuk. Statement laga hesab te, hamla te mortars neshe na cholai kena hamla kure she. Committee para koi she ki, Manipur Government aro Centre khan chup chap thakea toh, Kuki-Zo manu khan laga buea toh aro dangor kure dea ase, aro public laga confidence namai dea ase.
Manipur: Kuki CSO para koi she, char ghanda laga hamla hoi she Mongkot Chepu bosti te
