Imphal, May 28, 2026: Manipur Police khan para bitor manu kunba ke arrest kurishe koishe. Yete Manipur te duita din nishina operation kuri kina. Yete taikhan banduk, Bomb aru Kotha kurea laga saman khan paishe koishe. Etu toh Hill Districts khan te alak alak Operation kuri kina.
Yete taikhan May 26 din te. PREPAK laga Thingujam Gulapi Singh (45) ke durishe koishe. Taike Imphal East District laga Ningomthong Sairom Leirak para durishe. Security khan tai laga haat para Mobile Phone, Aadhaar card aru Hero Pleasure Scooter bi paishe koishe.
Etu eki din te. Security Forces khan para PLA laga member kebi arrest kurishe. Taitoh Waikohm Shanta Singh (32) ase koishe. Tau toh Sabungkhok Mamang Leikai te thakhea manu ase. Taike Imphal East District laga Nongada Kameng para durishe. Aru alak Operation te RPF/PLA laga captain Ayekpam Dharmendra Singh (48) ke durishe koishe. Tai nijor laga ghorpara durishe koishe. Tai logote Dhamen, Thawanthaba, Kunjo, Brojen aru Thawailakpa kebi durishe koishe. Tai laga haat para Mobile aru Aadhaar card bi paishe.
Etu laga agea Tuesday din tebi. Taikhan para duita bitor manu ke durishe koishe. Yete Thoubal District laga Forest Gate osor te. Yete taikhan para Changubam Nganba Meitei (21) ke arrest kurishe. Tai toh RPF/PLA laga member ase. Aru NRFM laga under saal kebi durishe.
Manipur: Police khan para PREPAK, PLA group member ke arrest kurishe
