Imphal, May 29, 2026: Manipur te Security Forces khan para operation kurishe koishe. Yete alak manu khan ke damki marea aru Mudu bika khan ke duribole nimete. Yete para taikhan Bitor manu aru Mudu khan bi durishe koishe. Duita alak operations te.
Officials khan laga hisab te. Security Forces khan para United National Liberation Front (Progressive) nahoilebi UNLF (P) laga member ke durishe koishe. Etu toh May 26 din te thakhishe. Lamlong jaga para. Etu manu toh Heisnam Jiban Singh (51) ase. Tai toh Thanga Heisnam Leikai laga Checkon Tribal Market osor te thakhea koishe. Tai laga haat para Mobile phone paishe. Etu operation toh State te Business aru alak manu khan ke damki dikina poisa mangea toh rukhabole karne ase koishe. Aru taikhan huda hudi kuri kina. Taikhan Bisarea laga Operation bi suru kurishe koishe. Yete taikhan 18 Khuri laga Weaving Machine paishe koishe. Etu toh tate thakhea manu khan laga haat para damki dikina loa laga ase koishe. Security khan parabi ekta 9mm laga Pistol aru Magazine paishe. Aru 3da Guli bi paishe koishe.
Etu eki din laga alak operation bi kurishe koishe. Yete Police khan para duita manu ke durishe koishe. Etu toh Tengnoupal District laga Pallel Maning Leikai te ase koishe. Yete taikhan Indian Made Foreign Ligour (IMFL) aru Local para bana laga DIC mudu khan thakhea nimete. Etu durea manu toh Moirangthem Tomba Singh (26) aru Naorem Bembem Devi (51) ase koishe. Yete Operation kurea homoi te. Security khan para IMFL laga alak alak 488 bottles paishe koishe. Yete sob 375 ml laga ase. Aru McDowell laga mudu 750 ml lagabi paishe koishe 11 nishina. Etea duita case tebi investigation khan kurea ase koishe.
Manipur: Security Forces khan para UNLF(P) member ke durishe
