New Delhi, 30 May : Pati Patni Aur Woh Do box office te bhal word-of-mouth aru family audience support karone steady performance dikhai ase. T-Series aru BR Studios backed romantic comedy te Ayushmann Khurrana, Rakul Preet Singh, Sara Ali Khan aru Wamiqa Gabbi main roles te ase.
Film etia theatres te 15 din complete kori dise aru worldwide box office te ₹60 crore milestone laga usorte ase. Director Mudassar Aziz laga film third Friday te India bharot 2,458 shows te ₹1.25 crore net collection korishe. Itu logot domestic net collection ₹43.20 crore par korise, aru domestic gross ₹51.26 crore hoise.
Overseas market pora bhi film around ₹7.65 crore collect korishe. Total worldwide gross collection etia ₹58.91 crore par korise, mane ₹60 crore mark pora khali olop dur ase. Reports hisab te film kar budget around ₹60 crore ase.
Film te Ayushmann Khurrana Prajapati Pandey role play korishe, ekta bhal manuh kun laga family confusion aru misunderstandings majot phasi jai. Trailer launch time te Ayushmann clarify kori dise ki film infidelity promote nakore; itu khali ekta comedy of errors story ase.
Film ke 2019 laga hit film Pati Patni Aur Woh laga spiritual follow-up kuina dekha jai. Kintu etia version te completely notun story aru fresh cast ase. Original film te Kartik Aaryan, Bhumi Pednekar aru Ananya Panday lead roles te thakise.
film laga agey rasta etia challenging hobo pare. Third week te film notun releases nisina Chand Mera Dil aru Hollywood blockbuster The Mandalorian and Grogu logot competition face kori ase. Itu karone film laga show count aru screen availability already komi jai ase.
