New Chandigarh, 30 May : IPL Cricket te, Gujarat Titans Qualifier Two te Rajasthan Royals ke 7 wicket pora haraina final te jagah hasil kori dise. Match tu New Chandigarh te khelise.
215 runs target chase kori, 2022 champions Gujarat Titans khub bhal batting display korina 18.4 overs te 219/3 score kori match jiti loise. Captain Shubman Gill 53 balls te brilliant 104 runs mari team ke agey lead korishe. Sai Sudharsan bhi 58 runs contribute korishe.
Shubman Gill ke Player of the Match award dise.
Etu age, Rajasthan Royals ke batting dibole pathaise, aru team tu 20 overs te 214/6 score korishe. Young opener Vaibhav Sooryavanshi outstanding 96 runs marina century pora olop te miss korishe. Ravindra Jadeja 45 runs not out thakise. Gujarat laga agey Kagiso Rabada aru Jason Holder duita-duita wickets loishe.
Itu victory logot, Gujarat Titans etia defending champions Royal Challengers Bengaluru logot IPL 2026 final khelibo. Title clash Ahmedabad te kali hobo aru match 7:30 PM te start hobo.
