Hong Kong, 30 May : Asian Under-20 Athletics Championships Hong Kong te India bhal performance continue kori ase. India etia total 8 medals jiti loise — 4 gold, 2 silver aru 2 bronze — aru standings te China pora piche second position te ase.
Competition laga second din te Indian athletes 7 medals hasil korishe, itu majot 4 gold ase. Sob pora dangor performance 19 saal laga Pooja Singh pora ahise. Tai women’s high jump te 1.93 metres jump kori gold medal jitise. Itu logot tai 14 saal purana Indian senior national record bhi bhangi dise. Purana record 1.92 metres ase, kuntu Sahana Kumari para 2012 te set korise.
India laga baki tinta gold medals Nitin Gupta (men’s 5,000m race walk), Amanat Kamboj (women’s discus throw) aru Rahul Jakhar (men’s decathlon) pora ahise.
Sadhana Devi women’s triple jump te silver medal jitise, aru Upkar men’s decathlon te silver hasil korishe. Neeru Pathak women’s 400 metres te bronze medal add korishe.
India Thursday din medal account khulise kjetiya Nipam women’s 100 metres event te bronze medal jitise.
Championship te India laga 48-member contingent participate kori ase, juntu 30 gents aru 18 women athletes loi ase. Tournament tu kali end hobo.
