Singapore, 30 May : Badminton te India laga men’s doubles pair Satwiksairaj Rankireddy aru Chirag Shetty Singapore Open Super 750 tournament laga semifinals te qualify kori dise.
Indian pair tu Malaysia laga pair Aaron Tai aru Kang Khai Xing ke 19-21, 21-17, 21-13 score te harai dise. Etia semifinal te taikhan South Korea kar world No. 1 pair Seo Seung-jae aru Kim Won-ho logot kali mukabila koribo.
Mixed doubles te bhi India laga Dhruv Kapila aru Tanisha Crasto semifinals te pounchise. Taikhan Malaysia kar Chen Tang Jie aru Toh Ee Wei ke harai dise.
Men’s singles quarterfinal te Lakshya Sen Japan laga Koki Watanabe logot 19-21, 21-15, 15-21 score te harina tournament pora bahar hoise.
Veteran Indian shuttler PV Sindhu laga campaign bhi quarterfinal te end hoise. Tai South Korea laga world No. 1 An Se-young logot ek hard-fought match te harise.
