Itanagar, June 2, 2026: African Swine Fever (ASF) laga chinta karne, Arunachal Pradesh laga Longding district toh, Assam laga Tinsukia district te para gahuri ahne bole bon kure de she.
District officials khan para announcement toh de she Modnay te, aro koi she ki, etu ban toh aha moina tuk thake bole ase, bemar toh phela bole nade bo karne.
District thakea manu, gahuri palea manu aro beka manu khan ke etu order toh mane kena jabi koi she. Authorities khan para warn kure she ki, manu kun etu order hesab te najai, tai khan ke saza de bo Prevention and Control of Infectious and Contagious Diseases in Animals Act, 2009 laga betor te para.
Palea manu khan ke be advice kure she ki, tai khan ke kitchen te para ki waste olai etu khan toh gahuri khan ke nakhe la be koi she. Etu te para he bemar toh beshe phelai koi she.
