Aizawl, June 2, 2026: Ekta dangor operation te, Mizoram laga police khan Rs 6.7 crore laga bea dawai pai she Saitual district te para, aro tin jun manu ke dure she, kun laga hath te para bea dawai khan toh pai she.
Police khan laga hesab te, etu bea dawai khan toh Keifang laga osor te para pai she, Mizoram-Manipur Highway te, Saitul District Executive Force (DEF) khan para ekta truck ke rokhai piche.
Police khan inspection kurea homoi, 13 packets pai she, aro etu laga betor te morphine dawai thake she koi she. Durea khan laga nam toh Raju Giri (32), Karnamani Das (26) aro Ganesh Das (40), khan ase. Tai khan sob Assam laga manu ase. Tai khan laga hath te para tinta mobile phone pau she.
Police station te ekta case register kure de she, aro investigation khan etia be ja ase.
