New Delhi, 2 June : 2026 Asian Games agey, 22 ta rowers ke Target Olympic Podium Scheme (TOPS) Development Group te include kori dise. Sports Ministry koise ki itu rowers khan ke include kora tu alag-alag boat category te strong bench strength bonabole ekta dangor step ase, khali individual medal prospect upor focus nakori.
Etiya itu crew khan Asian Games aru World Cup circuit nisina dangor international rowing competition khan babe preparation koribo.
Induct kora athletes majot Paris 2024 Olympian Balraj Panwar, Asian Games 2022 silver medal winner Arvind Singh, aru Asian Games 2022 double medal winner Jaswinder Singh bhi ase.
Besirbhag athletes ke 2026 Asian Games cycle ke target kori prepare kori ase. Kintu kunba crew India laga long-term international development plan laga bhi part ase, juntu future competition khan, jiman 2030 Commonwealth Games (India te host hobo), itu karone athletes khan ke ready koribo.
