New Delhi, 2 June : Britain laga Max Burgin Sunday Rabat Diamond League meet te Olympic 800 metres champion Emmanuel Wanyonyi ke haraina dangor surprise dise. Aru Kenny Bednarek bhi men’s 200 metres event te aru bisi comfortable dhang te Letsile Tebogo ke harai jitisey.
24 saal laga Burgin ke agey te future World Championship nohoile Olympic medal contender hisab te dekha jai thakise, kintu injury karone tai laga progress affected hoise. Rabat te tai bisi strong performance dikhaise aru Wanyonyi ke pichete pelai dise. Wanyonyi tu itu athlete ase juntu David Rudisha laga 14 saal purana world record bhangibole khub usor jai thakise.
Burgin 1 minute 42.98 second time te race jitisey, juntu Wanyonyi laga 1:43.56 pora adha second pora besi bhal ase. Itu pora etiya September te Budapest te hobo laga World Athletics Ultimate Championships te medal karone strong contender hisab te dekha jai ase.
Men’s 200 metres te Kenny Bednarek pura field ke pichete pelai 19.69 second te jitisey aru meeting record bhi bonaise. Olympic champion Letsile Tebogo start te bhal nakorile bhi race laga khotom phale speed uthai 20 second niche time loi season laga prothom sub-20 performance korisey.
Rati laga khotom event, men’s 3,000 metres steeplechase te Morocco laga dui-bar Olympic champion Soufiane El Bakkali jitisey. Tai 7:57.25 time record kori itu saal laga world-leading time set korisey.
