Indonesia, 3 June : Indonesia Open Super 1000 badminton tournament te India laga Ayush Shetty second round te qualify kurise. Tai China laga Weng Hong Yang ke comeback victory logot harai dise. Match score 8-21, 22-20, 21-15 thakise.
Mixed doubles te bhi India bhal result pai dise. Rohan Kapoor aru Ruthvika Gadde Chinese Taipei laga Yang Po-Hsuan aru Hu Ling Fang ke straight games te 21-14, 21-14 score logot harai dise.
Kintu Satwiksairaj Rankireddy aru Chirag Shetty karone din tu bhal huanai. Taikhan Malaysia laga Kang Min Hyuk aru Man Wei Chong logot opening round men’s doubles match kheli thaka somoy Satwik injury pai jaikina match pora retire hurt hoise.
Men’s singles te HS Prannoy bhi tournament pora bahar hoise. Tai Ireland laga Nhat Nguyen logot hard-fought three-game match te hari jaise.
Etiya women’s singles event te India laga campaign aro jor pai jabo. Aji Unnati Hooda Japan laga former world champion Nozomi Okuhara logot mukabila koribo.
