Margao, 3 June : SAFF Women’s Championship te India aji Goa laga Margao te thaka Pandit Jawaharlal Nehru Stadium te Bhutan logot second semi-final khelibo. Match tu rati 8 baje start hobo.
Panch bar champion India Group B te maximum points logot top position te finish kurikina knockout stage te ahise. India tournament laga suru te Maldives ke 11-0 score logot dangor karne harai dise, itu pichete defending champions Bangladesh ke bhi 3-0 score logot harai dise.
India favourite hisab te match te namibo aru team karone aro bhal khobor hoise forward Manisha Kalyan team logot join kurise. Tai laga Peruvian club Alianza Lima June 1 pora suru hoi thaka FIFA International Match Window karone take release kuri dise.
FIFA rankings hisab te India 69th position te ase, Bhutan pora pray 100 position upore ase. Bhutan etiya 164th position te ase. Duita team etiya agey duibar mukabila kurise, aru duita match te India jitisey. Total aggregate score 29-0 thakise.
