Patna, June 4, 2026: Pas jun manu mure she aro beshe jokhom pai she, Muzaffarpur Hospital laga ICU te dangor ekta jui ola piche, Bihar laga north pahne.
Report te koi she ki, manu murea toh aro uthe bole ase. Jui toh Prasad hospital laga fifth floor te olai she, 3:55 am phane. Hospital toh Muzaffarpur district te ase koi she.
Murea khan laga nam toh Krishnandann Prasad Singh, 76, Geeta Devi, 63, Uday Kumar, 57 aro Sashank, 30 khan ase. Tai khan tin jun toh Muzaffarpur te thakea manu ase. Aro Uday toh Sheohar district te para ase koi she.
24 manu toh hospital te admit hoi kena thake she, aro 13 manu toh ICu te thake she jui toh ola homoi Thursday te. Jui ola ja piche, tai khan ke osor hospital te pathai de she koi she.
Firefighter khan jui toh motai de bole pare she koi she. Report khan laga hesab te, jui toh short circuit karne olai she koi she.
