New Delhi, 4 June : India laga star batter Virat Kohli reportedly ahibole thaka Afghanistan khilaf ODI series miss koribo, juntu host team karone dangor setback hobo.
Report hisab te, Kohli hamstring injury huina ase aru June 13 te Dharamsala te suru hobo laga tin-match laga ODI series te khelibole naparibo. Series laga second ODI June 17 te Lucknow te aru final ODI June 20 te Chennai te khelibo.
Itu injury karone Kohli laga crucial England tour te khelibole doubt uthise. India July 14 pora England khilaf tin-ta ODI match khelibo. Kohli laga anuposthiti India karone double jhatka hobo pare, karon former captain Rohit Sharma laga availability bhi etia clear nohoi. Rohit IPL 2026 somoy paa injury pora etia recover kori ase kuina kotha ase.
