Imphal, June 5, 2026: June 3 din te. Manipur Police khan para duita gari durishe koishe. Etu gari te petrol bishi thakhi kina paishe koishe. Aru yete duita driver ke durishe koishe Operation kurea homoi te. Etu toh Pallel Chandel laga rasta te ase.
Police khan laga hisab te. Etu gari toh 12 pm homoi te rukhaishe koishe. Etu toh Pioneer laga School osor te. First gari toh Yodha ase Aru etu gari toh Pasel Nepolian Anal (43) ase. Aru tai toh Chandel District laga Panchai Bosti para ase. Yete gari bitor te bisari kina 11 plastic dab ate 2,429 litres laga petrol paishe koishe.
Second gari toh Eeco Van ase koishe. Aru etu toh Lh. Koko George (29) ase koishe. Tai toh Chandel District laga Panchai Bosti te ase. Police khan para choita plastic dab ate 1,269 litres laga petrol paishe koishe. Aru etu duijun ke huda hudi kurea homoi te. Tai duijun toh 3,680 litres laga petrol toh 17 daba te raki kina. Imphal para Moreh te loi jai thakhishe koishe. Yete Myanmar te pathabole nimete.
