Shillong, June 9, 2026: Lyungkhong bosti te thakea manu khan protest kure she June 7 te, tai khan demand kurea ase border fence toh thik zero line te bana be koi kena. Bosti toh thik India-Bangladesh te ase, govt toh aro plan banai she ki, fence toh India laga territiory betor te bana bole. Bosti manu khan para ekta memorandum de she Pynursla laga Sub-Divisional Officer (SDO) ke, tai khan mangea ase ki, fencing toh bana bole rokhai de be, tai khan laga mun duk khan na sai dea tuk. Lyngkhong toh ekta border bosti ase, kunto khale olop meter dur ase Bangladesh te para. Aro international norms laga hesab te, fencing khan toh 150 yards neshe betor te banai zero line te para. Bosti manu khan buea kha ase ki, nutun fencing karne, kumba khan toh border laga piche te thake jabo.
Meghalaya laga border bosti khan protest kurea ase, fencing plan opor te
