New Delhi, 10 June : Pranit More para Instagram account deactivate korise backlash pichete.
Comedian Pranit More para nijor Instagram account deactivate korise, etu sob social media backlash utha kunba din pichete.
Controversy tu 23 sa umor Himanshu Jangra laga ekta remark pora suru hoise. Tai para Pranit laga show te koise ki ekta date te chicken biryani karne ₹370 khorcha korise, aru etu karne tai nijor “investment” laga return deserve kore kuina comment korise.
Etu remark online te bisi criticism pai loise. Itu pichete Himanshu para apology janai dise aru nijor social media accounts bhi delete korise.
Pranit para bhi apology janai kena koise ki audience member para kora comments tai laga personal views nohoi.
Kintu etu explanation pora bhi criticism bond nohoi. Ketiya social media influencers aru users para Pranit ke target korise, taikhan laga hisab te tai Himanshu ke stop nakuria aru insensitive comments ke challenge nakuria karone.
Bisi women users para bhi gussa uthi kena strict action demand korise. Kusha Kapila pora Elvish Yadav ke bisi social media personalities para etu issue upor reaction dise.
Pranit laga main Instagram account te around 3.8 million followers thakise, kintu account tu etiya visible nohoi.
Tai laga dusra Instagram account, @maharashtrianbhau, etiya bhi active ase. Etu account te 1 million pora besi followers ase aru tai regular stand-up comedy content share kori thake.
