New Delhi, June 11, 2026: Tin ta Indian manu kun MT Settebello ship te thake she, aro shuru te tai khan ke napai kena thake she, U.S. military khan para ship opor te hamla kurea piche. Aro olop piche te, Union Shipping Minister Sarbananda Sonowal para Thursday te announce kure she ki, utu tin ta Indian manu napai kena thakea toh mure jai she. Sonowal para social media te lekhe kena de she ki, utu tin ta Indian manu kun napai kean thake she, tai khan mure jai she, tai khan laga body toh pai jai she aro jankare khan jane jai she. Tai aro koi she ki, Modi Govt toh tai khan laga ghor manu khan logo te ase enia duk time te, aro tai khan ke fully modok kure bo koi she. Mr. Sonowal para koi she ki, tai para officials khan direct kure de she, bacha crew members khan modok kure bole aro murea khan laga body toh juldi wapas ahne bole.
MT Settebello te tinta Indian manu mure she
