Auckland, 17 June : FIH Hockey Women’s Nations Cup te India semi-finals te qualify korise
FIH Hockey Women’s Nations Cup New Zealand 2026 te India para nijor second Pool A match te Japan ke 2-1 pora harai kena semi-finals te jagah secure kori dise.
North Harbour National Hockey Centre, Auckland te khela match te India laga captain aru Player of the Match Salima Tete aru Lalremsiami para goals score korise. Japan karone Hiramitsu Ai para khali ekta goal marise.
Match tu Indian midfielder Jyoti karone bhi bisi special thakise, karon tai nijor 100th senior international appearance celebrate korise.
Etu victory logot India etiya Pool A te top position te ase. Team tu USA aru Japan dui ta match jiti kena 6 points hasil kori ase aru etiya tak unbeaten ase.
India para tournament laga last Pool A match te kali Uruguay logot khelibo. Match tu Indian Time hisab te 4:15 baje suru hobo.
Eki logot, Japan aru USA majote bhi match thakibo, juntu Pool A pora second semi-final spot decide koribo.
FIH Hockey Women’s Nations Cup laga sob matches Watch.Hockey te live stream kori jabo.
