Chattisgarh, 17 June : AIFF para first Under-17 Women’s Youth League launch korise
All India Football Federation (AIFF) para kali inaugural AIFF Under-17 Women’s Youth League announce kori dise. Tournament tu July 18 pora Chhattisgarh laga Narainpur te thaka RKM Football Academy te suru hobo.
Etu competition laga final match July 29 te khela hobo. League laga fixtures khan kali announce kora hobo.
Tournament tu India te first national youth league ase juntu Under-17 women’s clubs karone organize kori jaise. 16 teams India laga alag-alag jagah pora participate koribo.
Teams khan ke 4 groups te divide kori dise, sob group te 4 teams thakibo. Group pora top 2 teams quarter-finals te qualify koribo, itu pichete tournament knockout format te age jabo.
Participating 16 clubs majote 5 teams Indian Women’s League (IWL) pora ase, aru 7 teams IWL 2 pora ase. Baki 4 teams khan hoise KMP Aspire FC, Zinc Football Academy, PFC Kerala aru hosts RKM Football Academy.
Etu inaugural league para first time karone country bhorti clubs khan ke nijor Under-17 women’s teams ke ekta structured national tournament te field koribole opportunity dibo.
League tu launch kora AIFF laga women’s football development pathway ke aro strong koribole commitment laga ekta important step kuina dekha jaise.
Eki logot, Narainpur laga RKM Football Academy recent saal khan te India laga leading football venues majote ekta hoi jaise. Venue tu regular bhabe AIFF national competitions host kori thake, men’s aru women’s football dono youth aru senior categories te.
Last season te venue tu Rajmata Jijabai Trophy bhi successful bhabe host korise, aru etiya aro ekta historic competition ke welcome koribole ready ase.
