Amsterdam, 18 June : Spider-Man: No Way Home para 4 saal piche, Tom Holland Spider-Man: Brand New Day laga second official trailer te wapas ahise. Notun footage Wednesday din Amsterdam te ekta special event te Tom aru Zendaya launch korisey. Duniya te kunba manu Peter Parker laga asli identity mon te na thaka pichete, Peter nijor jibon aghe loi jabo try kori ase. Destin Daniel Cretton direct kora itu film te Tom Holland, Zendaya, Jacob Batalon, Jon Bernthal aru Sadie Sink ase.
Notun trailer pora ekdom clear hoi jai ki Peter Parker mental pressure te ase. Tai nijor emotions aru spider-powers upor control harabo. Trailer laga dangor reveal hoise Spider-Man laga ekdom wild aru brutal version. Marvel laga The Other comic storyline pora inspiration loi, dark-eye Peter Scorpion ke khub kharap karne harai dise. Tai laga physical transformation bhi bisi hoi ase, aru organic web-shooters ulai ahi mechanical gadgets ke push kori dise.
Action side te, Spider-Man ceiling para Hand ninjas laga majot jump kori aha dikhai dise. Land koria age te tai sob side te web shoot kori ekta dangor “web tornado” banaise.
Sadie Sink laga mystery role bhi fans khan majot bisi discussion hoi ase. Marvel aru Sony etu bishoye khub secret rakhi ase, kintu trailer te tai laga powerful psychic abilities dekhabole pai. Tai mon control koribo pare, aru Peter Parker he tai ke dekhbo aru feel koribo pare eneka dikhai dise.
Fans khan kuina guess kori ase ki Sadie Sink Jean Grey role te thakibo pare, juntu MCU te X-Men anibole ekta dangor step hobo. Kintu etiya tak official confirmation nai. Trailer te Tramell Tillman bhi William “Bill” Metzger role te dikhai dise, juntu Department of Damage Control (DODC) laga senior official ase. Tai Spider-Man ke koi dise ki New York ekta invisible threat laga saamna kori ase.
Marvel bhi audience khan laga purana demand pura koribole Savage Hulk ke wapas anise. Trailer te Hulk nijor control te nai eneka hint dise. Last scene te Spider-Man ekta dangor grey building para jump kori ase aru Hulk itu pichete web te jori thaka pichete ahi ase.
Trailer laga aru ekta dangor surprise hoise Peter Parker Punisher, mane Frank Castle (Jon Bernthal) laga help bisari thaka. No Way Home pichete Peter pura ekla hoi jaise, etu karone MJ ke protect koribole Punisher laga help loi ase.
Aru, Spider-Man: Homecoming para 9 saal pichete Michael Mando Mac Gargan, mane Scorpion role te wapas ahise. Trailer te tai laga notun green armour aru dangerous mechanical tail bhi first time bhal kori dikhai dise.
No Way Home laga events pichete Peter Parker nijor city te ekdom ekla hoi jaise, karon kunba manuh tai laga mon te rakha nai. Notun enemies aru tar nijor dark transformation logot, etiya tai nijor dangor battle khan nijor pora lorhibo lagibo.
Ned Leeds aru MJ laga party te Peter ekta Spider-Man tracking board dekhe. Board te thaka ekta note confirm kori dise ki Spider-Man first time 2016 te appear korisey. Etu detail Captain America: Civil War laga events logot direct connect kori dise.
Sony Pictures Entertainment India confirm kori dise ki Spider-Man: Brand New Day India te July 30 te release hobo, global release July 31 laga ekdin age. Film English, Hindi, Tamil, Telugu, Malayalam aru Kannada language te ahibo.
