New Delhi, 19 June : Kiman mahina speculation, controversies aru fan theories laga pichete, content creator aru comedian Samay Raina officially confirm koridise ki India’s Got Latent comeback kori ase. Kintu etiya, itu popular comedy-talent show beshi bisi platform pabo. Season 2 Netflix te stream koribo aru eki logot YouTube te release koribo, juntu show ke global audience dibo kintu itu laga digital-first roots ke nohoi harai dibo.
Itu announcement, series laga karone ekta dangor milestone ase. Show tu age YouTube experiment hisab pora start hoise, kintu piche te India laga dangor internet sensations majot ekta hoise. Pura saal ekta dangor setback face korile bhi, Samay etiya aro dangor vision logot show ke ghurai anise.
June 19 te, Netflix India aru Samay Raina laga joint Instagram post pora collaboration officially confirm korise. Teaser video te Amin Khan, juntu Samay laga Still Alive comedy special time te fan favourite hoise, tak bhi dikhaise.
Video te Samay sob speculation khatam kori Season 2 laga important details reveal korise. Tai confirm korise ki episode Netflix aru YouTube te eki logot, eki time te release koribo. Nijor signature humour use kori, Samay comedian Balraj logot kotha pati thakise aru dui platforms laga difference upor joke marise. Tai koise ki Netflix viewers khan ads sabi thakibo aru YouTube nisina comments bhi chari dibole napabo.
India’s Got Latent YouTube pora ulai dise Ranveer Allahbadia laga controversial remarks karone. Itu incident karone bisi backlash uthise, multiple FIRs aru legal challenges bhi ahise, juntu karone bisi viewers show tu aru ghurai ahibo naki nohoi kuina bhabi thakise.
Excitement aro bisi koribole, set para leak hoija photos social media te ulai ahise, juntu te Alpha stars Alia Bhatt aru Sharvari ke India’s Got Latent stage te dikhaise. Netflix nohoile makers para etiya tak official confirmation nai, kintu reports hisab pora, dui actor opening episode te ahibole pare nijor upcoming film promote koribole.
