New Delhi, 19 June : Homi Adajania laga romantic drama Cocktail 2 theatres te release hoise, aru mixed reviews paile bhi film tu bhal opening loise. Shahid Kapoor, Kriti Sanon aru Rashmika Mandanna starrer itu film ke Bollywood laga romance genre karone etia ekta dangor asha hisab pora sabo. Pandemic piche pora, romantic films laga box office success rate kom thakise, karone Cocktail 2 nisina films upor bisi expectations ase. First day te, film tu domestic net earnings te itu laga predecessor ke surpass koribole jai ase, double-digit mark cross koribo kuina asha ase.
Trade experts hisab pora, Cocktail 2 India bhitor te 3000 pora bisi screens te release hoise, juntu itu genre karone ekta dangor release ase. Friday, 7 PM tak, film tu India te ₹7.95 crore net collect korisey. Romantic drama karone itu ekta promising figure ase, especially last 5-6 saal te itu genre laga market beshi favour te nathaka time te.
Trade tracker Sacnilk hisap pora, Cocktail 2 first day advance booking te 1.6 lakh pora bisi tickets sale hoise aru ₹5.57 crore gross collect korisey. Blocked seats add korile, figure tu ₹8 crore pora bisi jai ase. Spot bookings add korile, film tu opening day te India te ₹10 crore net cross koribo kuina asha ase.
Film tu critics aru audience laga ekta section para mixed reviews paise, juntu word-of-mouth upor impact dibo pare. Etiya tak occupancy pura din bhitor te aste aste bisi hoi jai ase, aru makers khan itu trend continue koribo kuina asha kori ase.
Cocktail 2 laga bhal opening karone sabse dangor factor hoise 2012 te release hoithaka Cocktail laga goodwill, aru Shahid, Rashmika aru Kriti laga combined star power. 2012 laga Cocktail, Imtiaz Ali pora likha aru Homi Adajania pora direct kora film, Saif Ali Khan, Deepika Padukone aru Diana Penty ke star korise. Film tu box office success hoithakise aru ₹10.47 crore opening loithakise, juntu mark sequel tu surpass koribole jai ase.
Kintu ticket sales aru inflation adjust korile, Cocktail 2 ke predecessor ke outgross koribole hoile around ₹18-19 crore earn koribo lagibo, juntu etiya possible nohoi kuina lage. 2012 laga film tu worldwide ₹125 crore gross collect korisey.
Homi Adajania pora direct kora Cocktail 2 ekta romantic comedy ase aru 2012 laga hit Cocktail laga spiritual sequel hoile bhi direct sequel nohoi. Itu ekta franchise film ase, kintu completely alag story aru characters logot ahise.
