Seoul, 20 June : South Korea laga superstar aru BTS leader RM nijor career te aro ekta dangor achievement add korisey. Rapper aru songwriter RM ke etiya officially National Museum of Korea laga first-ever Global Ambassador hisap pora appoint korisey. Itu role tu art, history aru Korean cultural heritage preserve koribole RM laga purana passion logot bhal milise.
National Museum of Korea social media te announce kori dise ki institution tu BTS leader RM logot ekta notun chapter start korisey, karon taike museum laga first-ever Global Public Relations Ambassador hisap pora appoint korisey.
June 19 te, RM National Museum of Korea laga director You Hong June logot museum visit korisey. Occasion mark koribole taikhan museum laga exhibitions aru collections khan ghurisey, kuntu bhitor te upcoming special exhibition Amazing Thailand: Masterpieces of Thai Art aru seasonal exhibition Kim Hongdo: Painting His Era bhi ase.
RM ager pora Korean art, cultural heritage aru museums laga prati nijor bhal paowa kotha khuli kuina koi ahise. Tai laga appointment tu Korea laga artistic legacy preserve aru promote koribole tai laga long-standing interest ke reflect kore.
Notun role te, RM museum logot mila kaam kori Korean cultural heritage laga sundorta aru importance duniya bhar laga manu khan usorot ani dibo. Itu partnership laga aim hoise Korea laga past aru present majot meaningful connection bonabo aru Korean art aru history ke global audience karone aro accessible koribo.
Itu collaboration pora, National Museum of Korea asha kori ase ki aro bisi manu Korean culture discover aru appreciate koribo. Institution tu aro reaffirm kori dise ki Korea laga rich stories, traditions aru artistic values duniya bhar laga manu khan logot share kori thakibo.
