Macau, 20 June : India laga Ashmita Chaliha Macau Open BWF World Tour Super 300 te nijor strong form continue kori ase. Tai Friday te South Korea laga Kim Min Sun ke haraina women’s singles semi-finals te uthisey.
Ashmita, Kim ke 21-16, 21-18 score logot matro 37 minutes te haraisey aru etu win pora semi-final te aro ekjon South Korean player Park Ga Eun logot khelibo. Park quarter-finals te Thailand laga second seed Busanan Ongbamrungphan walkover diya karone semi-finals te uthisey.
Ashmita aru Kim laga opening game 14-14
khub close thakise. Itu pichete pora Indian shuttler tu lagatar charita points hasil kori bhal lead loise aru end tak advantage maintain korisey.
Second game te Kim bhal start kori mid-game interval te 11-5 lead te thakise. Kintu left-handed Ashmita pressure continue kori thakise aru 16-18 pora lagatar panchta points hasil kori match jitise.
Assam laga 26 saal player tu May mahina te tin mahina injury break pichete pora competition te ghuri ahise. Korea Open te right knee te medial meniscus tear hoina surgery aru lamba rehabilitation kori thaka pichete pora bhi tai bhal performance dikhai ase.
Circuit te ghuri aha pichete pora, Ashmita China Masters Super 100 aru Malaysia Masters Super 500 duita te quarter-finals te uthisey, aru etiya Macau Open te semi-finals te pahunchise. tai final te ekta place karone South Korea laga Park Ga Eun logot khelibo.
Dusra taraf pora, India laga Anmol Kharb laga journey quarter-finals te khotom hoise. World No. 51 Anmol fourth seed Han Qian Xi khilaf strong start loise aru first game 21-14 logot jitisey. Kintu Chinese player tu bhal comeback kori next duita games 21-15 aru 21-13 logot jiti match 14-21, 21-15, 21-13 score logot hasil korisey aru semi-finals te uthisey.
