Manchester, 25 June : ICC Women’s T20 World Cup te, India aji Group A match te Bangladesh logot khelibo. Match tu Manchester laga Emirates Old Trafford te hobo aru Indian Time hisab te 7 baje shuru hobo.
Harmanpreet Kaur captain thaka Women in Blue etiya Group A te second position te ase, karon tai khan 3 matches majote 2 jitise. Bangladesh bhi 2 matches jitise, kintu lower Net Run Rate karone fourth position te ase.
India tai laga T20 World Cup campaign arch-rivals Pakistan ke 64 runs pora harai dominant win logot shuru korisey. Itu pichete Netherlands ke bhi 95 runs pora harai dise. Kintu tai khan laga winning streak end match te South Africa logot bhangi jai, kot te tai khan 6 wickets pora harise.
