June 26, 2026: Tennis laga ekta dangor khelari Chris Evert toh etu sal laga Wimbledon Championship te ahe bole napare bo koi she, ovarian cancer laga treatment lobole karne. Tai para X te statement de she ki, tai surgery be kure de she, aro etia treatment lo ase, aro aha hafta te chemotherapy be shuru kure bole ase koi she. Etu karne tai etu sal Wimbledon te ahe bole napare bo. Aha moina te tai laga health opor te he focus kure bole ase koi she. Chris toh 71 sal hoi she, tai toh 18 bar Grand Slam singles champion ase. 2021 te tai cancer ase koine jane she. 2023 te utu cancer toh wapas aro ahe she. Tai aro tai laga sathani MArtina Navratilova toh, Netflix te be ola bole ase, kunto June 26 te ola bole ase. Etu sal laga Wimbledon toh June 29 te shuru hobole ase, aro July 12 tuk thake bole ase.
Evert toh Wimbledon te ahe bole napare bo koi she, cancer karne
