New Delhi, 26 June : Rohit Shetty dui saal pichete phir Khatron Ke Khiladi host koribole ghuri ahise. Stunt-based reality show tu etiya tai laga sob pora dangor aru toughest season karone tayari kori ase. Makers khan para koise ki etu season franchise laga standards aro ucha loi jabo. Recently Cape Town, South Africa te shooting sesh hoisey, kot crew khan next-level action sequences shoot korisey. Ahibole thaka Season 15 te completely notun format thakibo, kot familiar faces aru notun challengers khan eki logot compete koribo, juntu show ke aro unpredictable bonabo.
Cape Town te tough shooting schedule sesh kora pichete, Rohit Shetty para stunts laga update dise. Tai hint dise ki etu saal contestants khan juntu challenges face koribo, etu age ketia dekha nohoi.
Tai laga kotha nisina, first teaser te contestants khan ke tai khan laga limits tak push kora dikhai ase. Footage te tai khan skyscrapers uporte deadly stunts kora, cages bhitor phasa thaka aru saanp aru insects logot cover hoi thaka dekha jai ase. Etu saal show tu “Darr Ka Naya Daur” theme niche cholibo.
Star-studded lineup majote internet sensation Orhan Awatramani, juntu Orry kuina bishi manu jane, etiya pora spotlight loi loise. Announcement teaser te tai ekta cheetah pora polai thaka dekha jai ase, juntu social media te viral hoi jai ase.
Show tu July 25 din Colors TV te premiere hobo aru JioHotstar te streaming karone bhi available thakibo. Etu weekend prime-time slot te ahibo, juntu etiya Laughter Chefs 3 laga ase. Show tu Saturday aru Sunday rati 9 telecast hobo.
Rohit Shetty etu bochor show te dangor changes anise. Sob pora dangor twist hoile format change. First time karone, purana contestants khan phir ghuri ahi notun contestants khan logot compete koribo.
Etu season laga star cast te fresh faces aru experienced contestants khan mila ase, juntu stunts face koribole ready ase. Official lineup te Gaurav Khanna, Avinash Mishra, Farrhana Bhatt, Shagun Sharma, Avika Gor, Orhan Awatramani (Orry), Harsh Gujral, Jasmin Bhasin, Rubina Dilaik, Karan Wahi, Rithvik Dhanjani aru Vishal Aditya Singh ase.
Early reports hisab te competition etiya pora khub tough ase. Farrhana aru Karan Wahi etiya top dui contestants hisab te age te ase kuina khobor ase. Eki logot Avinash Mishra, Ruhaanika Dhawan aru Rithvik Dhanjani top five complete koribo kuina rumors bhi ulai ahise.
