Houston, 27 June : Football te, Egypt first time karone FIFA World Cup laga knockout stage te qualify kori dise, Iran logot final Group G match te 1-1 draw kora pichete. Iran laga Ramin Rezaeian ke Player of the Match hisab te nam dise.
Egypt group stage te eku match nahari unbeaten thakise aru runners-up hisab te qualify korisey. Etyia tai khan Round of 32 te Australia logot khelibo.
Draw hoile bhi, Iran etiya bhi knockout stage te qualify koribole race te ase. Tai khan best third-placed teams majote ekta hisab te next round te jabo pare.
Aru ekta Group G match te, Belgium New Zealand ke 5-1 pora harai group top korisey. Opening duita matches te inconsistent results thaka pichete, Belgium etu match te dominant performance dikhai dise.
Etu win pora Belgium bhi Round of 32 te tai laga jagah confirm kori dise.
