June 29, 2026: Ekta Census Awareness aru Sensitization Meeting loishey, Gaon Bura khan aru Master Trainer khan logotey, itu meeting toh Deputy Commissioner laga Conference Hall, Dimapur tey para loishey, June 29, 2026 tey, itu ahi thaka Census exercise tyaar kuriboley nimitey aru public awareness aru cooperation majbut kuriboley karney. Itu meeting tey address kuri kena, Wiridin, NCS, SDO (Civil), Dimapur aru Charge Officer para participant khan ke urge kurishey, rumour khan huni kena nahoilebi misinformation khan uni ken aitu Census laga regard tey, bisas nakuriboley koishey. Tai para koishey, enumerator khan aru supervisor khan toh hoily thik thak laga training loi kena asey aru tai khan ke bhal para tyaari kurishey, itu exercise toh kuri kena jaboley karney. Samjhai kena ki, itu House Listing Operation, tai para koishey sob structure, manu thaka hobi nathaka hobi, itu sob toh ginti kuriboley asey aru record kuriboley asey, enumerator khan ekta mobile application chulai kena kotey 34 question khan thakiboley asey, information khan collect kuriboley. Confidentiality laga importance highlight kuri kena, tai para koishey Census information toh hoiley strict para confidential asey.
Census Awareness Aru Sensitization Meeting Loishey Dimapur Tey
