Itanagar, June 30, 2026: Ekta Joint Action Committee (JAC) para June 30 te announce kure she ki, tai khan ekta mass protest rally thake bole ase July 6 te, Rs 777 crore laga Fisheries Department scam karne.
Press conference te, JAC laga members khan para koi she ki, tai khan transparency, accountability aro fair probe lagea ase, etu scam laga opor te. Committee para authorities khan ke etu mamla laga opor te thik action lobi ko ase justic laga nam te para.
JAC khan laga hesab te, etu scam te, natha kea ponds khan banai she aro nakli fisheries projects khan banai she, public funds khan chor kure bole karne.
JAC member Biki Tania para koi she ki, committee khan para polia te para ekta memorandum de she Chief Minister Pema Khandu ke, etu mamla laga opor te. Hoile be etia tuk tai khan eku jawab pa nai koi she.
