July 01: Jannik Sinner laka match toh olop nohobo neshe takeshe. Holibhe eta tai phal por kele ase. Tai laka Second round test Nuno Borges logot kele ase. Tai toh Duniya laka Number 1 kelari ase. Holibhi tai 3 konda adha lakeshe Miomir Kecmanovic ke haraidebole. Etu match toh momday te keleshe. Aro etu match toh 5 set laka macth takeshe.
Etu Italian toh shuru te phal pora kelea nai holibhi aste peshi pha pora kele pole shuru koreshe. Tai pora Borges ke harai teye laka score toh 7-6 (7-4) 7-6 (7-2) 6-4 takeshe.
Borges toh Portugal pora ase. Tai toh Duniya te 48th Rank te ase. Borges laka peshi phal kele sai kena crowd toh peshi koshe pai she. Holibhi Sinner pora tail laka kela asti pora phal kore ken a Borges ke hariteshe. Aro etu hari teya pora tai All England club te seta jeteshe.
Etu kela sai kena three-time Wimbledon singles champion John McEnroe poea koishe ke etu toh Doctor pora order kora neshe na keleshe. Etu toh John McEnroe por BBC TV ke koishe. Tai koishe ke Sinner toh ahipole laka Friday te peshi pahl pora kele poh
Sinner toh America laka Jenson Brooksby logot kelepole ase. Jenson Brooksby toh Duniya laka number 81 kelari asi. Sinner French opne te harishele holibhi tai Wimbledon te kele pole jaishe.
Tai 50th-ranked Kecmanovic logot kela time te peshi tok paishe koishe. Kele koile tai pehsi phal shape te taka nai koishe. Sinner pora koishe ke etu match toh peshi tight match takeshe. Tai koishe ke enaka match kela pora tai laka mon toh aro peshi ready korede. Tai koishe ke aro peshi improve korbole lakhe. Aro tai koshe ase.
Etu match toh peshi tight takeshe. Borges pora peshi phal pora keleshe. Tai pora peshi chor pora ball ke mare kena kheleshe. Shur te Borges laka position toh peshi phal takeshe. Holibhi Sinner pora asti asti tia laka kela ke control korsehe.
