Salem, July 4, 2026: Police khan para Saturday te koi she ki, 50 neshe na Bangladeshi manu ke West Bengal te pathai de she train te para.
Utu group te, 44 mota aro choita maiki ase, tai khan Salem district laga Attur detention camp te buhe thake she. Official deportation orders pa piche, utu group ke West Bengal te pathai de she train te para.
40 neshe armed police team para tai khan ke sa ase. Officials khan para koi she ki, Tamil Nadu police khan para he Border Security Force (BSF) khan laga hath te de debo, West Bengal laga Haridaspur te.
Aro tateh te para, BSF khan para utu manu khan ke Bangladeshi authorities khan laga hath te de debo.
Attur special camp te, manu kun bahar khan te para India te ahea, kagos khan thik natha ke kena, tai khan ke tateh dure kena thakea. Etia tateh 130 foreign national dure kena ase.
