Imphal, July 5, 2026: Manipur laga Imphal East district te, ekt anti-narcotics operation te, police khan 238.6 kg laga ganja pai she, aro char jun ke geraftar kure she, police khan para enia koi she July 4 te. Operation toh, Anti-Narcotic Task Force (ANTF), Lamlai Police, Central Reserve Police Force (CRPF) aro Youth Against Drugs and Alcohol Manipur (YADAM) khan laga members khan mele kena kure she. Police khan para ekta Mahindra Bolero pickup rokhai she, Poloi Football Turf laga osor te. Driver laga nam toh Mataimei W. Shimray ase, tai toh Ukhrul district te para ase koi she. Gari betor check kurea homoi, police khan 16 packets pai she, kunto laga betor te ganja thake she. Driver ke sawal kurea homoi, tai para utu manu laga nam de she, kun laga hath te ja ase etu ganja khan toh. Police khan etu jankare pai kena, 18 sal, Ngangbam DInish aro Phuritshabam Yaiphaba Meitei ke dure she. Police khan aro jankari pai kena, Oinam Abung Meeti laga ghor raid kure she, aro tai ke be geraftar kure she.
Manipur: Police khan para char jun ke geraftar kure she, 238.6 kg laga ganja pai she Imphal East te
