Mumbai, 4 July : Angelina Jolie laga Salt, Lara Croft: Tomb Raider aru Wanted nisina films, logote Charlie’s Angels laga stylish action scenes, female lead action heroes laga ekta alag charm ase. Yash Raj Films laga Alpha tu Hindi cinema te female-led action spectacle anibole try kora project ase aru fans bhi etodin pora ekjon female star pura action film lead koribo dekhibole mon ase.
Kintu film tu dekhar pichete, etiya bhi Bollywood etu level te puhcha nai kuina kobole pari. Itu actors khan laga dosh nohoi. Problem tu writers aru filmmakers pora ase, karon tai khan actors ke serious para shine koribole bhal chance dibo paranai.
Film te bishi problems ase, kintu Alia Bhatt aru Sharvari laga screen presence tu tai majot ekta nohoi. Tai duijon nijor role bhal pora handle korisey. Kintu slow-motion shots khan etiya prai sob films te dekha jai aru Alpha te bhi etu bishi use koria karone audience klanti pai.
Film tu dekha time te bishi scenes familiar lage, karon bishi parts anibela spy thrillers pora inspire kora nisina lage. Director para spy thriller laga checklist loi ek-ekta elements add kora nisina lage. Mandatory bikini shots, ekta high-profile cameo, computer-generated action sequence aru masked villains khan laga endless supply sob film te ase.
Itu Logote, climax te hero aru villain duijone firearms use nakorina daggers aru fists loi fight koria typical scene bhi ase. fight pichete lead stars khan laga stylish pose bhi audience dekhibo pai.
Storyline tu spy thriller pora beshi reasoning puzzle laga family mystery nisina lage. Alia laga character-k bacha umor te abduct kori dise kuina dikhai, itu pichete koise ki bacha tu mori jaise, aru itu pichete ulta koise ki tai ke assassin hisab te train kori dise.
Alag side te, tai laga ekjon twin sister bhi ase, kun etodin lukaikena rakhise aru pichete ahikena abduct kora manu laga khilaf lorai te join kore.
Main villain tu age Indian Army officer kuina dikhai, kun laga dangerous mission government para bondh kori dise. Kintu pichete reveal hoi ki tai Indian Army officer nohoi, barong bishi bochor pora Indian Armed Forces bhitor thaka ekjon Pakistani spy ase.
Aru sob pora dangor question tu hoise, etodin tai logot kam kori thaka RAW chief para kio tai ekjon enemy agent ase kuina bujhibo paranai? Itu situation dekhina bishi audience ke The Family Man laga tighter writing yaad ahibo pare.
Overall te, Alpha te action, star power aru stylish presentation ase, kintu weak storyline aru predictable twists karone film tu nijor full potential hasil koribo paranai.
