Atlanta, 7 July : Brazil laga star forward Neymar Jr. para FIFA World Cup Round of 16 te Norway laga khilaf hua pichete international football pora retirement announce korisey.
Match khotom hua pichete, Neymar emotional hoi kandi dise aru Globo Esporte TV logot interview te koise ki Brazil national team karone tai laga etu last match ase.
2026 FIFA World Cup te Neymar para dui ta appearances korisey, aru duita tei substitute hisab te ahise.
Group stage te Scotland laga khilaf match te tai second half te cameo appearance bhi korisey.
34 saal umor forward para Brazil men’s national team laga history te sob pora beshi goals mara player hisab te tai laga career khotom korisey.
Tai para 130 appearances te 80 goals aru 58 assists hasil korisey.
Neymar para dui ta Olympic tournaments te bhi Brazil ke represent korisey. 2012 Olympics te silver medal jitise aru 2016 Olympics te Brazil ke lead kori gold medal jitai dise.
Tai laga retirement logot Brazilian football laga sob pora successful aru bishi eras majot ekta khotom hoi jaise.
