Mumbai, 8 July : Original Awarapan film laga sob pora popular parts majot ekta tai laga soundtrack ase. To Phir Aao aru Tera Mera Rishta nisina songs khan chartbusters hoisey aru lagbhag duita decades pichete bhi etiya tak popular thaki ase.
Etu route loi Awarapan 2 bhi age jaboley try kori ase. Film laga first song “Ve Junoon” release hua matro ek din pichete fans majot bhal response pai ase.
Song tu etiya tak YouTube te 7 million views cross kori dise. Melody aru lyrics logot, song laga singer bhi etiya discussion laga main topic majot ekta hoi ase.
Ve Junoon tu Mithoon para compose korisey aru Sayeed Quadri para likhise. Tai duijon age pora Vishesh Films logot bishi saal kam kori ahi ase.
Song tu Bollywood te notun singer Subodhh Sharma ke introduce kori ase. Jodi Subodhh laga jibon music logot ghuri ase, etu tai laga first major spotlight ase.
Jammu te composer aru poet Pt. Prithvi Raj Sharma laga ghor te jonom hoa Subodhh para chutu pora music, poetry aru riyaaz laga majot bisi somoi kataise. Tai para kom umor pora music sikha shuru korisey.
Tai 12 saal age Mumbai ahise music career bonabole. Kintu itu pichete bisi saal tai musician, arranger aru collaborator hisab te behind-the-scenes kam kori thakise.
Music arranger hisab te kam kora logote, Subodhh para tai laga baba logot bhi collaboration continue kori thakise. Tai singing, arranging aru producing te bhi involve hoisey.
Social media te nijor voice te gaai thakia gaana laga videos bhi regular share kori thakise.
Reports hisab te, etu videos majot ekta video producer Vishesh Bhatt laga nazar te porise. Source hisab te, Bhatt para Subodhh laga voice te thaka “rawness, vulnerability aru emotional honesty” dekhi impress hoisey.
Itu pichete tai ke Awarapan 2 soundtrack karone select korise, aru itu laga result hisab te “Ve Junoon” release hoisey.
Subodhh etiya Vishesh Films laga soundtracks pora break paina talents laga list te join korisey. Itu list te singer Arijit Singh bhi ase, kun para Murder 2 laga ekta song pora nijor major breakthrough paisey.
Nitin Kakkar para direct kora Awarapan 2 tu 2007 saal laga Awarapan film laga direct sequel ase.
Film te Emraan Hashmi para phiri Shivam laga role te ahise. Itu Logote Disha Patani, Shabana Azmi, Salil Acharya aru Suvinder Vicky bhi important roles te ase.
Film laga soundtrack te Mithoon, Amaal Mallik, Jeet Gannguli aru Akhil Sachdeva para compose kora songs ase.
Awarapan 2 theatres te 14 August te release hobo.
