New Delhi, 9 July : India government etiya 2036 Olympic Games host koribole nijor preparation aro strong kori ase. Union Sports Minister Mansukh Mandaviya koise ke agami duita saal bhitor India 29 ta international sports events host koribo. Etu initiative laga main aim hoise India laga infrastructure, organization capacity aru sports management duniya ke dekhai dibole.
Pichla saal pora India 15 ta city te 36 ta international tournament organize kori ase. Government laga target hoise 2028 age 65 ta international events successfully host kora. Ahmedabad etiya ei plan laga main centre hoi ase. City tu 2030 Commonwealth Games host koribo aru 2038 Asian Games nimite bi bid kori ase.
Government laga hisab te, bishi international tournaments India te anile athletes khan foreign jabo khorcha komi jabo. Eki logot coaches, referees, volunteers aru officials khan bi international level experience pabo. Sports infrastructure aru tourism sector bi benefit pabo kuina asha kori ase.
