Ahmedabad, 9 July : Major League Baseball (MLB) India te baseball popularity barhaibole India cricket star Suryakumar Yadav logot official partnership announce korise. Suryakumar, India laga 2026 T20 World Cup-winning captain hisab te, etiya MLB Ambassador role loi kaam koribo.
Tai America te MLB All-Star Week program te attend koribo aru India laga fans khan nimite special content, promotion aru awareness campaign te part lobo. MLB koise ke cricket aru baseball majot kunba similarities ase, aru Suryakumar laga popularity use kori India te notun audience attract koribole target ase.
Eki logot MLB JioStar logot broadcast agreement bi renew korise, jate India laga fans live matches aru highlights regular sab pabo. Experts khan laga hisab te, etu partnership baseball ke India te notun level loi jabo pare.
