NEW DELHI: Sunday din te officials koishe ke CBI khan para duita senior Indian Forest Service officers ke rishwat dibole kosis kura nimite dhurishe. Tai khan para environment ministry official ke rishwar dibole kosis kuri thakishe.
Khobor hesab te tai khan laga naam toh Tarun Johri aro D Gogoi ase. Tai khan duijon bhi chief conservators of forest ase. Aro tai khan toh Arunachal Pradesh aro Port Blair te post kuri kena ase. Khobor hesab te etu duita officer ke environment ministry official ke Rs. 20,000 rishwat dibole laga kosis kura nimite dhurishe. Etu poiusa toh tai khan departmental kaam kuirbo dibole nimite de thakishe.
Khobor hesab te D Gogoi laga kunba departmental service kaam khan tho khotom mohoi kena thakishe. Etu pura kuribo dibole nimite tai batchmate Johri laga modot bisari thakishe. Batchmat Johri toh etu samay te Delhi te jai kena thakishe.
Tarun Johri para official ke Rs. 10,000 dishe. Eti poisa toh D Gogoi laga side para ministry official ke dishe. Aro tai para tai laga superior khan ke rishwat diya laga kotha koi dishe.
Tai khan koishe ke etu rishwat diya opor te case banaishe. Aro CBI khan para verification process kuri thaka samay te D Gogoi para official ke aro Rs.10,000 dishe.
Verification kamiyab (successful) huwa pichete Tarun Johri ke Saturday din te arrest kurishe. Aro Sunday din te D Gogoi ke arrest kurishe.
Add Comment